Fin di siman tras di lomba, Fundashon Desaroyo Deportivo Kòrsou, FDDK, a organisá 3x3 Streetball Curaçao, e promé “National 3x3 Hoops Qualifiers” pa hóbennan di 15 pa 17 aña aki na Kòrsou.

Tabata un fin di siman kargá ku ambiente i e espírito deportivo bou di nos hóbennan. Banda di e kompetensha pa nos hóbennan, tabatin un ‘celebrity game’ unda diferente hende konosí den nos komunidat a partisipá:
Team blanku : Von Lucca, Morgan Isenia, Hunneley Felicia, Churandy Martina i Verney Jansen
Team bèrdè: Thakai Doran, Ramsley Krips, Hensley Paulina, Terrence Agard i Kenville Kleinmoedig
E wega aki sigur a hala basta atenshon, i asta a pidi pa un siguiente wega.
Pa loke ta trata e weganan mes, e resultado final tabata lo siguiente:
Promé lugá - Spartacus
Di dos lugá - Royal Hoops
DI tres lugá - Radulphus College
Di kuater lugá - BrownSkinSquad

Spartacus, e tim ganadó, lo representá Kòrsou na "Antilles IBF 3x3 Hoops Final" kua lo tuma lugá na St. Lucia den luna di febrüari próksimo.

Pa resultado di tur e diferente weganan ku a tuma lugá, bo por chèk www.3x3planet.com
FDDK ta yama danki na tur instansha i/òf persona ku a kontribuí na éksito di e promé 3x3 Streetball Curaçao, entre nan KJ Hoops, UTS, Fun Miles, GoWeekly, Tramm Imaging i Pro Sport.

Pa tur informashon, por chèk e página di Facebook: www.facebook.com/3x3StreetballCuracao, riba kua tin video di diferente wega!

Huntu nos ta deporte, i huntu nos ta Kòrsou!