About FDDK
Fundashon Deportivo Kòrsou (FDDK) ta é punto sentral pa tur asuntu relatá ku deporte. Di organisashonnan di deporte te inisiativanan deportivo di siudadanonan. FDDK t’ei pa hinter komunidat. FDDK ta ofresé sosten di un forma strukturá i transparente na organisashonnan di deporte, skolnan i siudadanonan ku ta hasi deporte en general. E ophetivo ta pa subi deporte na skol, deporte rekreativo i kompetetitivo na nivelnan mas haltu pa medio di un ròl di fasilitadó.
Tarea di FDDK ta pa fortifiká, stimulá i aktivá deporte na Kòrsou. Esei ta enserá ku no solamente pa organisashonnan establesé i konosí, pero tambe organisashonnan nobo por konta ku sosten i guia di FDDK.
Un komunidat ku ta move i ta hasi deporte ta importante i FDDK ke duna su kontribushon na realisashon di e ophetivo ei. Chikitu i grandi, hòmber i muhé, hendenan ménos habilitá, tur hende mester por hasi deporte i move kurpa!
Uso mas efisiente di fasilidatnan deportivo tambe ta un punto di enfoke di FDDK. Hasi deporte no solamente ta algu dushi pa hasi, pero ta alabes un aktividat salú. FDDK ke kita tur opstákulo pa hasi partisipashon na deporte aksesibel i atraktivo pa tur hende. FDDK ke hasi esaki hasiendo uso mas efisiente di medio i fasilidatnan deportivo. Un komunidat ku ta hasi deporte ta un komunidat salú!
OUR VISION
Stimulá praktika i konsiensia deportivo na Korsou tantu aktivo i pasivo, hasiendo aktividatnan deportivo aksesibel pa tur hende i dunando guia profeshonal na deportista/siudadanonan.
OUR MISSION
Inspirá i determiná pa empoderá e ser humano pa promové trabou den ekipo, den e búskeda kontinuo pa ekselensia uzando deporte komo medio.
OUR VALUES
- Integridat
Un reputashon ku bo ta krea a base di kua un hende por konfia ku bo ta pensa i aktua honesto - Rèspèt
Aseptá tur hende den nan propio balor yegando na un kompromiso pa tra ku otro. - Trabou den Tim
Traha huntu den koperashon ku otro pa logra un meta komun - Determinashon
Un estado mental kaminda bo ta pone ku bo ta hasi lo máksimo pa logra bo metanan - Inspirashon
Un aktitut firme ku e meta pa kontagiá otro ku positivismo i mentalidat firme pa logra adelanto - Desaroyo Personal
Un aktitut firme den kua ta traha riba desaroyo personal di kada persona ku e meta final pa enrikesé nan konosementu
HISTORY
Na 2012, Gobièrnu di Kòrsou a tuma e desishon ku mester lanta un intansia sentral ku ta kordiná deporte na Kòrsou i duna sosten i guia na organisashonnan aktivo na bienestar di deporte. E instansia mester hunga un ròl krusial den ehekushon di e Plan di Maneho pa Deporte 2013 -2017 i mester stimulá komunidat na move mas i hasi mas deporte.
For di e pensamenu aki a nase Fundashon Desaroyo Deportivo Kòrsou (FDDK).