E vishon di FDDK ta pa stimulá práktika i konsiensia deportivo na Kòrsou tantu aktivo komo pasivo, hasiendo aktividatnan aksesibel pa tur hende i dunando guia profeshonal na deportista- i siudadanonan.

Teniendo kuenta ku su vishon, FDDK a organisá e evento “ 3x3 Streetball Curaçao” na òktober último, kua tabata e promé “National 3x3 Hoops Qualifiers” pa hóbennan di 15 pa 17 aña aki na Kòrsou. E timnan ganadó lo representá Kòrsou na "Antilles IBF 3x3 Hoops Final" na St. Lucia.

Den kuadro di esaki, a ranka sali ku e preparashon di e hobennan aki djaluna último, unda banda di e deporte di basket mes, nan ta haña training tambe di strength & conditioning.

Ta bai ta algun siman pisá di preparashon, pero nos hobennan ta sumamente entusiasmá di por bai representá Kòrsou di 24 pa 27 di febrüari benidero.

Via di e facebook, www.facebook.com/3x3StreetballCuracao, lo por sigui tantu e preparashon komo e partisipashon di nos hobennan.